Контакты

 

Hörmətli Rafiq Müəllim və əziz oxucular, yaşamaq sevincim özümə qaytarıldı və bu sevinci bir anlığa da olsa sizinlə bölüşdürmək istəyindəyəm - Xaliq.

Şəhərimizdə bir-birini dublyaj edən, saysız-hesabsız klinikaların fəaliyyət göstərməsi ilk baxışdan Ölkəmizin səhiyyə sistemində aparılan islahatların uğurla icra edilməsini göstərirsə, əslində bunu aysberqin zivəsi ilə müqayisə etmək düzgün olardı. Belə ki, onun dəfələrlə möhtəşəm, sualtı hissəsinin vəziyyəti görünməzdir və onu təftiş etmək istədikdə əksər hallarda məyuslanmalı olursan.

Bilirsinizmi, müasir texnologiyanın-endoskopların, lazerlərin, tamponsuz müalicə üsulların və s. müalicə tədbirləri ilə öyünən klinikalar, reallıqda boş bir şey imiş - reklam xarakteri daşıyaraq ilk növbədə kommersiya maraqlarını ödəmək naminə çalışırlar. Əslində hər şey həkimim ustalığından, onun peşəkarlığından və xəstəni sözün əsil mənasında müalicə etmək istəyindən asılıdır.

Xəstəliyimlə bağlı olaraq Taleh məni Dəmir yol xəstəxanasının həkimi, professor Rafiq Rzayev imkanlarına möhtac etdi. Rusiyada uzun müddət təhsil almış, xarici ölkə klinikalarında təcrübə keçmiş, LOR-Baş və Boyun cərrahiyyəsi üzrə Ölkəmizdə yeganə mütəxəssis kimi tanınan hörmətli Rafiq müəllim peşəkarlığa nail olmaqda saç ağartmışdır.

10-la, 100-lə insanları həyata qaytaran Rafiq müəllim mənim də həyatımı xilas etmiş oldu.

Adım Xaliqdir, burunudlağın angiofibroması adlanan şişi ilə bir dəfə əməliyyat olunmuşdum. İkinci dəfə, 2008-ci ildə Mərkəzi Klinik Xəstəxanada Suat həkim məni endoskopik yolla əməliyyat elədi. Amma təəssüf ki, şişin tam çıxarılmasına nail ola bilmədi.

7-8 il ərzində Azərbaycanda gəzmədiyim LOR həkim və onkoloq qalmamışdır, mənə hətta xəstəlikdən öləcəyimi də bildirmişlər.

Bir çox axtarılmalardan və məsləhətləşmələrdən sonra professor R. Rzayevə müraciət etməli olduq. Şişin yayılma dərəcəsini düzgün qiymətləndirərək, edilmiş endoskopik əməliyyatın uğursuzluqla nəticələnməsinin səbəblərini açıqladı və bu halda yalnız üz keçidi üsulu adlan əməliyyatın icrasını məsləhət gördü. Əməliyyatın ağır və həyat üçün təhlükəli olmasını bilərək həkimim ümidverici tövsiyələri məndə inam yaratmış oldu və onun icrasına ailəvi olaraq razılıq verildi.

2012-ci il Yanvarın 19-da əməliyyat olundum. Bu gün artıq əməliyyatdan 7 ay sonra təkrar müayinə keçdikdən sonra sevincimin həddi bir daha da artmış oldu. Nə şişdən, nə də üzümdə edilmiş əməliyyatdan əsər-əlamət qalmamışdır.

Professor Rafiq Rzayev haqqında çox danışmaq istərdim – onun əlləri qızıldır, əllərinə qurban olum. Heç kəs məndən inciməsin – kaş Rafiq doktorun biliyinin və istedadının 1/5-i bütün həkimlərimizdə olaydı! O, Ölkəmizin fəxridir, mən də xilaskarımla fəxr eləyirəm!!!

Рзаев Р.М. - Əziz Xaliq, ilk növbədə mən də sənin və ailə üzvlülərinin sevincini səmimi qəlbdən bölüşdürürəm və sənə həyatda can sağlığı arzulayıram. Mənim ünvanıma həsr etdiyin xoş sözlər üçün təşəkkürümü bildirirəm. Valideynlərinin üzündən öp – salamat qal. 
Вт, 28 авг. 2012, 19:03:58 +0000 dr_rzayev@hotmail.com ~ 188.253.233.160 Ответить | Емейл автору